شوية خبرات فى الويندوز ....

السلام عليكم ورحمة الله وبركاته
بسم الله الرحمن الرحيم

هذا الموضوع وجدته بنفس الأسم فى منتدى من زمان جدا وكان مفيد جدا بالنسبة لى
المهم انا فكرت انى احطه هنا فى المنتدى بس طبعا انا مش فاكر الموضوع فين بس هنحاول مع بعض نشارك وكل اللى عنده حاجه يكتبها ونخلى الموضوع كبير ونافع ان شاء الله

وياريت اللى يشارك يشارك ولو بخبرايه سغنونه وبنفس طريقة العرض ومش عاوزين ردود شكر اعتبروها وصلت

كيفية إظهار الملفات المخفية او ملفات السيستم؟
افتح MyComputer من القوائم اللى فوق اختار Tools ثم Folder Option
ثم منها اختار View وعلم فى Show hidden files and folders
وأزل علامة الصح من مربع Hide protected operating system files (Recommended)
ثم إضغط ok

كيفية تسريع الجهاز بطريقة ملحوظة ؟
كلك يمين على MyComputer ثم اختار اخر واحده properties ثم اختار Advanced منها ستجد اول اختيار هو Performance إضغط اسفله على Settings بالعربى هتلاقى 3 Settings تحت بعض هات اول واحده
هيظر ويندو تانى علم فى ثالث إختيار من الاختيارات اللى فوق على شكل دواير هتلاقى كل المربعات اللى تحت علامات الصح اتحذفت منها انزل عند المربعات دى وعلم فى اخر 4 مربعات واضغط ok
وجرب شوف

كيفية عمل خلفية لفولدر معين ؟؟
كلك يمين على الفولدر ابن الحلال اللى عاوز تغير خلفيته ثم اختار آخر واحده properties اختار Customize ثم Change Icon اختار اى يقونه وأضغط اوك
احنا عاوزين بس ملف هيتعمل اسمه desktop.ini طبعا الملف ملف سيستم مخفى هتلاقى فوق كيفية إظهار ملفات السيستم والملفات المخفية
افتح الملف desktop.ini امسح كل اللى فيه واكتب التالى

[ExtShellFolderViews]
{BE098140-A513-11D0-A3A4-00C04FD706EC}={BE098140-A513-11D0-A3A4-00C04FD706EC}
[{BE098140-A513-11D0-A3A4-00C04FD706EC}]
Attributes=1
IconArea_Image=Folder Settings\Background.JPG
IconArea_Text=0x00000000

لسه ناقص خطوة واحده : اعمل فودلر جديد اسمه Folder Settings جوا الفولدر اللى هنعمله خلفية طبعا لازم يكون بجوار ملف desktop.ini
واخفية .. بعد كدا حط جوا الفولدر ده اى صورة عاوزها تبقى خلفية ويكون اسمها Background.jpg وطبعا الحكاية دى مش هتشتغل عند كل الناس لأن انا اديتها لكتير من اصحابى وقليل جدا منهم تقريبا واحد بس اللى ما اشتغلتش عنده اما اعطيته الملفات كوبى
خلاص خلصت كدا
طيب افرض ان لون الخط اللى مكتوب بيه اسماء الملفات جوا الفولدر مش عاجبنى او مش ماشى مع الخلفية اعمل ايه ؟
بوص ..عندك فى آخر سطر هتلاقى IconArea_Text=0x00000000
غير اللى بعد يساوى لكود اللون اللى انت عاوزه ودى اكود منى ليكوا واللى يعرف html هيعرف يختار اللى يحبه طبعا الكود بيبقى اخر 6 اصفار على اليمين
0x00000000 = black
0x00FF0000 = blue
0x0000FF00 = green
0x000000FF = red
0x00C000C0 = purple
0x00FFFFFF = white

كيفية تحميل أبديت النورتون؟؟
ادخل الموقع symantec.com ثم إضغط على Virus Definitions ثم Download Virus Definitions (Intelligent Updater Only)
اختار English ثم إضغط امامها على Download Updates
هتلاقى صفحة فيها 4 ملفات للتحميل الاول وهوا لمعظمنا اصحاب نسخة الويندوز 32 إضغط عليه وحمله وما تحملش حاجة تانيه او لو كان الويندوز عندك غير كدا حمل اللى يتماشى مع النسخة اللى عندك وآخر ملف هوا ملف update.txt

كيفية تغيير ايقونة محرك الاقراص ( ايقونة البارتيشن او الدرايف يعنى ) ؟؟
اعمل ملف اسمه AUTORUN.INF اخفيه واكتب جواه التالى
[AutoRun]
icon=icon.ico
ثم ضع بجوار هذا الملف ايقونه وغير icon.ico [size=12]فى الملف السابق إلى اسم الايقونة اللى انت اخترتها [/size]
قم بتغيير اسم البارتيشن لو التعديل عليه لتظهر الايقونه او انتظر لتعمل ريستارت وستجدها قد تغيرت

الجهاز تقل اوى وانا شغال ..فاتح ييجى 15 برنامج و20 صفحة نت ؟؟
طبعا غلط .. بس هقولك تعمل ايه .. إضغط atl+ctrl+del ليظهر مدير المهام Task Manager بعد كدا إضغط على Processed وقم بترتيب النتائج حسب Mem Usage بالضغط عليها مرتين ستجد ان البرامج التى تحتل مساحة كبيرة من الذاكرة فى الاعلى قم بإغلاقها حاليا ولاحظ الفرق فى الاسفل CPU Usage 50% طبعا عندك الرقم 50 دا هيكون مختلف قبل ما تقفل البرامج هيكون كبير وممكن فى بعض الاوقات يكون 100% بعد ما تقفل البرامج اللى مستغله مساحة كبيرة من الرامات الرقم دا هيقل أكيد

منتظر منكم الردور والمشاركات ومثل ما قلت فى الاول اعتبروا كلمات الشكر وصلت ياريت كلنا نشارك ونكون إيجابيين

وإن شاء الله وعد على تقديم المزيد فى هذا الموضوع